روح تسري ...ضيف الاسبوع على كرسي الاعتراف

[قلب الايمان]

جزاااااااكم الله خيرا يا دكتور

بجد استفدنا كتير من حضرتك وخبراتك

ومش غريب لطالما استفدنا من حضرتك





سؤال واحد فقط

ما نصيحة حضرتك لينا بحيث اننا قربنا على الامتحانات

كيف نستطيع استغلال الوقت المتبقى افضل استغلال -هااااااااااااام جداا- مع العلم

ان الفترة قبل الامتحانات غير كافية بالمرة




جزااااااااااااااااااااكم الله خيرا مرة اخرى

[نوارة]

المشاركة الأصلية كتبت بواسطة روح تسرى أ السنة اللى فاتت كنت خدت قرار انى أشترك بأحد الجمعيات الخيرية فى شبين ..اخترت حماة المستقبل بعد ما جلست ما رئيس مجلس إدارة الجمعية وبالمناسبة هو طبيب وشاب ماشاء الله عليه ..وعجبتنى جدا رؤية الجمعية وحضرت معاهم فترة ...فى الفترة دى جالنا فى حماة المستقبل..عضوة بصناع الحياة ..وعملت برزنتيشن عن حملة ( إنسان ) بتاع الأستاذ عمرو خالد ...الفكرة دى دخلت دماغى بشكل غير عادى واقتنعت بها جدااا ..رحت صناع وعملت استمارة فى المشروع ..ولكن للأسف خرج الاستاذ عمرو خالد وقال : المشروع هيقف فى مصر ...طبعاا ده كاان بسبب التدخل الأمنى غالبا ....بعدها انشغلت كتيير فى الكلية والدراسة , وتوقفت بعدها ... ولكن بعد ما اخلص كلية ان شاء الله ..ناوى إن شاء الله أعمل مشروع خيرى إن شاء الله رؤيتى للعمل الخيرى ..هناك عشرات ويمكن مئات الجمعيات اللى بتساعد الفقراء والمحتاجين ..الجمعيات بتزيد الحمد لله وبرده الفقر والمرض بيزيدواا ... عشان كده النظرة التقليدية اللى هى انك تعطى الفقير فلوس او مساعدة وخلاص ..انا مش معاها ..لأن كده عمرنا ما هنحل المشكلة دى ...المشاكل دى ليها أبعاد كتييره ...وعامة النهاردة فيه تجارب رائدة ..زى مشروع بنك الفقراء بتاع محمد يونس ...وتجربة مشروع إنسان ..بتاع أستاذ عمرو خالد ..لو الجمعيات تقدر تطبق الأفكار الجديدة دى ..هتساهم بشكل كببير فى حل المشكلات دى .

مع حضرتك تماما في النقطة دي

عشان كده بشجع جدا افكار واعمال برنامج صناع الحياة ومجددون

لان الاصل انك تحل المشكلة من جذورها

كتير من الناس بينظر للاعمال الخيرية كأنها مجرد صدقات يقدمها

ولكن احنا لازم نبصلها كمان على انها بداية سلم النهضة (انا بفكر فيها كده )

الفقر - الامية - المرض - التلوث- .................الخ
كلها مشاكل التخلف الي بلدنا فيه

وعشان نعمل نهضة

نبدأ بالمشاريع الخيرية ,,,,,,,,,,,,, كل الشباب يشتغلوا في التغيير وتحسين حياة اسر كتير

اسرة واسرة ,,,,, قرية وقرية ,,,,, بلد وبلد ,,,,, ننهض بمصر كلها لمستوي حياة افضل





على حد علمى ..ان الاتنين ضد بعض ...ببساطة ممكن نقارن بينهم ..فنقول مثلاا ..الحياء ..ان يترفع المرء عن القبيح فى نظر الشرع ..بمعنى ان الحياء ده مصطلح شرعى وهو شعبة من الايمان .... أما الخجل ..فهو نقطة ضعف لدى الإنسان دى ..مثلااا ممكن يخجل من مواجهة الناس _ رغم انه مش بيعمل حاجة غلط ..كأن يخجل مثلاا انه يطالب السائق بباقى الأجرة مع إن ده حقه ..يخجل مثلاا إنه يكلم زمايله عن الالتزام عشان ميزعلوش منه او يتريقواا عليه ... يعنى تحس كده ان الخجل نابع من خوف النفس من اقتراف حاجة هى صح أصلاا ..وده بيدل غالبا على ضعف فى الشخصية ممكن يتعالج مع الوقت ... اما الحياء ..مفهومه النبوى شامل جداا ...ان تحفظ الرأس والبطن ..وان تذكر الموت ..وتترك زينة الحياة الدنيا ...وحياء المرء لايمنع صاحبه من المطالبة بالحق ..ويمكن نموذج على كده هو سيدنا عثمان بن عفان ..لم يمنعه الحياء أن يطالب بحقه .

فى وجهة نظر تانية بتقول ... ان الخجل ممن نعتبره جزء من الحياء ...وان الخجل بيكون فى الخير والشر ...لو في الخير يبقى نسميه حياء ..عشان النبى صلى الله عليه وسلم قال ( الحياء خير كله ) ...

فى الحقيقة انا مكنتش عارف االاجابة ..سؤال حضرتك خلااانى أبحث عن الموضوع ده
وده اللى انا وصلت له .



جزاكم الله خيرا

[نوارة]

المشاركة الأصلية كتبت بواسطة روح تسرى فى الواقع دى كانت مشكلة لما دخلت الكلية دى ..كنت عندى طموح غير عاادى ..فى الاتنين ( الطب - الدعوة ) ...ولكن مع الوقت بدأت أدرك طبيعة الأشياء وبدأت اتحول تدريجيا الى الواقعية ..ومش معنى كده إن الواحد يتخلى عن طموحاته ... لا أبدااا ..ولكن بينى طموحه على أساس من علم ..لا يضع لنفسه أى هدف طموح والسلاااام .لأأ... لازم يكون الهدف مبنى على رفع واقع حقيقى وجيد واضعا فى حسبانه الظروف المحيطة والامكانات المتاحة لتحقيق هذا الهدف ... وبكده نقدر نجمع ما بين الواقعية والطموح ....ويساعدنا على تحقيق المعادلة دى ... إإننا نتابع تجارب الناس اللى كان عندها أهداف طموحة وقدرت تحققها ...وندعبس ونغوص بعمق فى التجارب دى ..ونسأل نفسنا ازاى الناس دول قدرواا رغم الظروف الصعبة يحققوا طموحهم ... عشان الانسان منا يعرف قدراته الحقيقية ... وبرده عشان يقدر يوازن بين الطموح والواقعية انا شايف إنه لازم يعمل 10 حاجات .... لازم يجرب ....لازم يجرب ...لازم يجرب ...لازم يجرب... لازم يجرب ... لازم يجرب ... لازم يجرب لازم يجرب... لازم يجرب ... لازم يجرب لو حد فعلاااا جاااد وعاوز يعرف قدراته لازم يجرب حاجات كتيير ... يجرب يرسم مثلااا ..يجرب يقول محاضرة للناس ...يجرب يغنى ...يجرب يكتب مقالات ...يجرب يعمل كل اللى يقدر يعمله ... وبعدين يحاول مرة واتنين وتلاتة ...وعشرة ... اكيد هيكتشف حااجات رائعة جداا جوااه .. عادة اى تجربة جديدة االانسان بيجى يخوضها ...بيبقى عنده شوية رهبة بس شوية شوية بتزول الرهبة ..مع التجربة فيه واحد بيبجى يقول : انا مبقدرش اعمل كذاااا ..؟؟؟ بقوله : ليه ..؟؟؟ هو انت حااولت كااام مرة ؟؟ يقول لى : ولا مرة اقوله : يبقى عرفت منين انك ما تقدرش ؟؟ يقول لى : احساس ...حاسس انى مقدرش . اقول له : مش بالاحساس ...لازم تجرب ...لازم تحاول ..خليك جرىء وجرب . فهمت من السؤال ..ان التوغل ده ممكن يكون فى خطين الأول : ان حضرتك تقصدى ..التدريب ..انه يصبح مدرب .. ودى ليها طريقها انه يكون مقتنع اوى بالموضوع ده ..يبقى يروح ياخد دورات كتتتير ...خصوصا دروة اعداد مدرب ...ويكمل بالشكل ده ..وعلى فكرة بتجيب فلوس كويسة .. التانى : انه يطبق كل كلمة بياخدها ...بس فيه حاجة مهمة جداا ..وهى انه يعرض الكلاام ده الأول على القرآن والسنة ... انا مقتنع تماماااا أنى مقصر تجاه المسجد الأقصى ....وربنا يغفر لنا ويرحمنا ولكن اعمل على محورين على المستوى الجماعى : أشارك فى حملة قلبى فلسطين ..ومشرع قافلة الأمل . على المستوى الفردى : بكلم ناس كتتير فى الموضوع ده وبحاول افهمهم القضية ..احضر محاضرات عن الأقصى والقضية بشكل عااام لأن لدى قناعة أننى لا أستوعب القضية كما ينبغى وأحاول جبر هذا القصور ...طبعااا الدعاء ... وعندى مشروع لم أبدأ به بعد ..وهو عبارة عن ( تفهيم الناس القضية وتبسيطها والرد على الشبهات المثارة حولها وذلك عن طريق اعداد بعض المواد يتم نشرها عبر الانترنت فى ظل المغالطات الاعلامية والتعتيم شبه المتعمد ...) سنة تالتة ..من اكتر السنين اللى ممكن تجيبواا فيبها تقدير كويس ..بشرط إدارة الوقت الفترة الجاية بحزم والتركيز بشكل أساسى على الفارما ( رقم 1 ) ...ثم الباثولوجى ( 2) ...ثم الميكرواا ( 3) ..ثم البارااا ( 4) ... لا تنزعجواا من درجات أعمال السنة ..آخر السنة أهم ألف مرة .. لا تنسواا ان هناك امتحانات عملى مهمة جداا وعليها درجات كتتير ... استعدواا لها جيداا .. خللى بالكم ..مشكلة كتيير من مواد تالتة ..انها بتطير من الدماغ بسرعة ..عشان كده لااازم ..تركزواا جامد فى المذاكرة ...وتذاكرواا بطريقة تخلى المعلومات تنطبع فى دماغكم ... اوعوااا تستسلموااا ..تحلوااا بروح المقاتلين واستشعرواا نية المرابطة الفترة القادمة ...ولا يمنعكم ضيق الوقت ...من ان تتذللوا لربكم فى ساعة السحر ... فسبحانه عز وجل يتنزل الى السماء الدنيا فى تلك اللحظات القدسية . عينكم دايمااا على يوم النتيجة ... فرحة الوالدة ...فرحة الوالد .. فرحة الأصحاب والزملاء ...أجازة سعيدة ومفيدة ..... استغل تلك اللحظات العاطفية فى طلب ما تريد من الوالدين ...اسأل مجرب . ملحوظة :: اول ما نتيجة تالتة ظهرت ...طلبت انى أوصل نت ..وكان البيت رافض قبل كده ..بس طبعاا وافقوااا ...وكان من بركات ذلك ..فيما بعد ..ان ده ساعدنا فى عمل الموقع ده ياشباب ...الحمد لله

جزاكم الله خيرا
ايجابات رااائعة ومفيدة جدا لينا

[حياة القلوب]

جزاكم الله خيرا علي الردود
بالنسبة للتجاوزات اقصد به السفور والاختلاط
اما سؤالي عن اخطاء الاصدقاء عادي يعني لان مواقف بنتعرض ليها
فاعرف حدود التعامل وطبيعة الموضوع
عفوا لو وجد بعض الغموض بس الرسالة وصلت
وجزاكم الله خيرا

[روح تسرى]

المشاركة الأصلية كتبت بواسطة قلب الايمان جزاااااااكم الله خيرا يا دكتور بجد استفدنا كتير من حضرتك وخبراتك ومش غريب لطالما استفدنا من حضرتك سؤال واحد فقط ما نصيحة حضرتك لينا بحيث اننا قربنا على الامتحانات كيف نستطيع استغلال الوقت المتبقى افضل استغلال -هااااااااااااام جداا- مع العلم ان الفترة قبل الامتحانات غير كافية بالمرة جزااااااااااااااااااااكم الله خيرا مرة اخرى

جزانا وإياكم يادكتورة ...ودايما بقوول ... لسه فيه أمل

بالنسبة للفترة الجاية ممكن نعمل شوية حاجات

1- صلاة الحاجة والاستعانة بالله فى كل لحظة وفى كل وقت .

2- نستشعر فعلااا أهمية كل دقيقة ..ونبقى خايفين على وقتنا زى ما الناس بتخاف على فلوسها

3- رفع واقع كويس كده ...ايه اللى خلص وايه اللى لسه ؟؟؟ ...

4- جدول كويس واقعى ومناسب ومقسم على الايام الجاية ..ومتابعة يومية .

5- ترتيب الموواد حسب الاولوية ..مواد التقدير فى الاول طبعاا ..المادة اللى عليها درجات اكتر تاخد وقت اطول فى المذاكرة .

6- مش لازم نذاكر كل كلمة ...المهم نفهم الموضوع بشكل عاام ونحفظ العناوين الخطوط العامة والتفاصيل المهمة .

7- مهم اوى نرتب دماغنا ...بمعنى فى الامتحان احنا مش بنكتب من الكتاب ..احنا بنكتب من اللى فى دماغنا ...لو كانت المعلومات مترتبة كويس فى الدماغ ..بسهولة اوى نقدر نفتكرها ونكتبها بشكل منظم ...لو غير كده هنتعب فى المذاكرة ..ومش هنحل كويس برده .

8- لو فيه فرصة ان مجموعة تتفق مع بعضها وتتناقش فى الموضوعات المهمة دى من اكتر الطرق اللى بتثبت المعلومة .

9- لو كل يوم حفظنا 10 أسئلة من اللى فى مذكرة الامتحانات ..على آخر السنة هنلاقى نفسنا غطينا معظم الحاجات المهمة

10 - مهم اوى نبدأ على طوول فى التنفيذ بعد ما نحط الجدول ..وممكن تعملواا نقاشات علمية على المنتدى او تحطواا كل يوم سؤالين تلاتة من امتحان السنة اللى فاتت مثلااا كوسيلة تجمع بين الترفيه والدراسة .

ربنا معاكم ان شاء الله

[روح تسرى]

المشاركة الأصلية كتبت بواسطة نوارة جزاكم الله خيرا ايجابات رااائعة ومفيدة جدا لينا

جزانا وإياكم

[روح تسرى]

المشاركة الأصلية كتبت بواسطة حياة القلوب جزاكم الله خيرا علي الردود بالنسبة للتجاوزات اقصد به السفور والاختلاط اما سؤالي عن اخطاء الاصدقاء عادي يعني لان مواقف بنتعرض ليها فاعرف حدود التعامل وطبيعة الموضوع عفوا لو وجد بعض الغموض بس الرسالة وصلت وجزاكم الله خيرا

جزانا وإياكم

[قل هذه سبيلى]

السلام عليكم ورحمة الله وبركاته اود ان اذكر نفسى واذكركم بقول ربنا ( فان الذكرى تنفع المؤمنين)
فكرة الموضوع جملية جزاكم الله خيرا ولكن لى تعليق على التطبيق لاينفع ان يكون هذا الموضوع مختلط يسال البنات والشباب عن امور فى الحياة الشخصية ويجيب بعضهم على بعض هذا الامر فيه فتن كثيرة ويؤدى الى الانبهار بشخصية معينة ويزيد الامر على ذللك وتذكروا الهدف الاساسى لانشاء المنتدى ونعلم جميعا ان الاختلاط والتخاطب بين الشباب والبنات للضرورة وعلى قدر الحاجة فقط
اعرف ان النوايا جميلة وان الكل يريد الله ولهذ اذكركم
وعرض هذا الموضوع على احد الشيوخ الثقات وقال ان الامر فيه فتن

[masre808]

المشاركة الأصلية كتبت بواسطة قل هذه سبيلى السلام عليكم ورحمة الله وبركاته اود ان اذكر نفسى واذكركم بقول ربنا ( فان الذكرى تنفع المؤمنين) فكرة الموضوع جملية جزاكم الله خيرا ولكن لى تعليق على التطبيق لاينفع ان يكون هذا الموضوع مختلط يسال البنات والشباب عن امور فى الحياة الشخصية ويجيب بعضهم على بعض هذا الامر فيه فتن كثيرة ويؤدى الى الانبهار بشخصية معينة ويزيد الامر على ذللك وتذكروا الهدف الاساسى لانشاء المنتدى ونعلم جميعا ان الاختلاط والتخاطب بين الشباب والبنات للضرورة وعلى قدر الحاجة فقط اعرف ان النوايا جميلة وان الكل يريد الله ولهذ اذكركم وعرض هذا الموضوع على احد الشيوخ الثقات وقال ان الامر فيه فتن

احسنت وجزاكم الله خيرا

[روح تسرى]

المشاركة الأصلية كتبت بواسطة قل هذه سبيلى السلام عليكم ورحمة الله وبركاته اود ان اذكر نفسى واذكركم بقول ربنا ( فان الذكرى تنفع المؤمنين) فكرة الموضوع جملية جزاكم الله خيرا ولكن لى تعليق على التطبيق لاينفع ان يكون هذا الموضوع مختلط يسال البنات والشباب عن امور فى الحياة الشخصية ويجيب بعضهم على بعض هذا الامر فيه فتن كثيرة ويؤدى الى الانبهار بشخصية معينة ويزيد الامر على ذللك وتذكروا الهدف الاساسى لانشاء المنتدى ونعلم جميعا ان الاختلاط والتخاطب بين الشباب والبنات للضرورة وعلى قدر الحاجة فقط اعرف ان النوايا جميلة وان الكل يريد الله ولهذ اذكركم وعرض هذا الموضوع على احد الشيوخ الثقات وقال ان الامر فيه فتن

جزاكم الله خيرااا على النصيحة الطيبة ....

ونسأل الله عز وجل أن ُيخلص نوايانا وأن يجنبنا الفتن ...

[روح تسرى]

وأخيرااا أحب أن أختم بكلمتين

1- كان فى تصورى خلال الرد على الأسئلة أن الإجابة ليست للسائل وفقط ..ولكن أيضا لكل من يقرأ الموضوع بحيث تعود الفائدة على أكبر عدد ممكن خصوصا انى فى آخر سنة فى الكلية .

2- لا يمكن أبداا - وهذا مبدأ عندى - الحكم على إنسان ما من كلامه وفقط خصوصا على النت ولكن أحكم عليه عندما أعامله فترة طويلة وأراقب عن كثب عمله وفعله ولكن قد أحكم على كلامه فقط وأقول مثلاا هذا الكلام مفيد او هذا الكلام غير مفيد .

3- من البديهى أن التركيز فى مثل هذه الموضوعات يكون أكثر على الجوانب الايجابية فى حياة الشخصية ..ولكن هذا لايعنى إطلاقا أن تكون هذه الشخصية ملاكااا ...هناك الكثثير والكثثير من الأخطاء والعيوب حتما لا تظهر لمن يقرأ أو يتابع الموضوع...يجب ان تكون هذه النقطة واضحة فى ذهن الجميع

4- أؤيد أن يحكى الأعضاء عن تجاربهم الناجحة ( خصوصا عندما تكون الاسماء مستعارة )...والتى هى بطبيعة الحال جزء من حياتهم الشخصية التى لا يطلع عليها الا المقربون من الاصدقاء ..رغبة فى نشر النماذج الطيبة ليقتدى بها الشباب ..كبديل جيد للنماذج السيئة التى تهاجمنا فى كل مكان.

5- النفوس لا يعلم مابها إلا الله عز وجل ...والله لن يحاسب أحد على ما فى نفسه ولكن يحاسبه على أعماله..ولكن مطلوب منا أن نراقب أنفسنا ونضبطها جيداا .

أخيرااا ...فى خلال الحوار طلب منى أكثر من عضو النصيحة ولم أتردد لحظة فى ذلك رغبة فى إفادة الناس وتحصيل الثواب ..وأنا الآن بدورى أطلب منكم النصيحة ..على الخاص أو العام ..كما تشاؤن .

جزاكم الله خيراا كثيرا ..

وآخر دعوانا أن الحمد لله رب العالمين ..

والسلام عليكم ورحمة الله وبركاته ..

[المرابط]

وعليكم السلام ورحمة الله وبركاته
وجزاكم الله خيرا أخونا الكريم وتقبل الله منكم هذا العمل وجعله فى ميزان حسناتكم إن شاء الله

[قل هذه سبيلى]

1- كان فى تصورى خلال الرد على الأسئلة أن الإجابة ليست للسائل وفقط ..ولكن أيضا لكل من يقرأ الموضوع بحيث تعود الفائدة على أكبر عدد ممكن خصوصا انى فى آخر سنة فى الكلية
احسن الظن واعلم ان النوايا طيبة
2- لا يمكن أبداا - وهذا مبدأ عندى - الحكم على إنسان ما من كلامه وفقط خصوصا على النت ولكن أحكم عليه عندما أعامله فترة طويلة وأراقب عن كثب عمله وفعله ولكن قد أحكم على كلامه فقط وأقول مثلاا هذا الكلام مفيد او هذا الكلام غير مفيد

هذا كلام جيد ولكن الكل لايفكر بهذا المنطق وطريقة التفكير تختلف من شخص الى اخر
واعلم ان دفع الضرر مقدم على جلب المنفعة وترك بعض البنات المنتدى بسبب هذا الامر

3- من البديهى أن التركيز فى مثل هذه الموضوعات يكون أكثر على الجوانب الايجابية فى حياة الشخصية ..ولكن هذا لايعنى إطلاقا أن تكون هذه الشخصية ملاكااا ...هناك الكثثير والكثثير من الأخطاء والعيوب حتما لا تظهر لمن يقرأ أو يتابع الموضوع...يجب ان تكون هذه النقطة واضحة فى ذهن الجميع
النضج الفكرى والحسى يتفاوت من سن الى اخرومن شخص الى اخر
بالنسبة الى النقطة الرابعة للا سف نحن فى كلية واحة وفى مكان واحد سنين ومعظم البنات تعرف الاسماء وهذا كلامهم وبعض الشباب تعرف الاسماء قدراونفسيا طبيعة البنات تختلف عن الشباب كثيرا ما المانع ان نفصل فى همس البنات نفس الموضوع وهذا الموضوع يخصص الى الشباب ومن يريد ان يتعلم يدخل فكل انسان رقيب على نفسه وادرى بنفسه

وانا لم اقصد حضرتك عندما دخلت للتعليق ولكن الموضوع جاء قدرا
وعليك ان تعرض الامر كما هو على القران والسنة وما اعلمه جيدا ان الكلام بين الشباب والبنات للضرورة فقط وعلى قدر الحاجة سواء فى الحياة العملية او المنتدى او الشات
وللمرة الاخيرة لم اقصد حضرتك عندما دخلت للتعليق ولكن الموضوع جاء قدرا
والسلام عليكم ورحمة الله وبركاته

[روح تسرى]

أنا موافق على فكرة الفصل دى ,,, ونبقى كده حققنا الهدف ولكن دون ضرر

كلام طيب جزاكم الله خيرااا ...وربنا يغفر لنا جميعا

سأكلم الإدارة إن شاء الله فى الموضوع ده ...